Kyrkjelyden takkar stort for den rause gåva frå banken.
- Me er glade for å fortelle at me har bevilga kr 50 000 til nye instrument i kyrkjene i Bygland og Årdal sokn, seier banksjef privatmarknad Torhild Landberg Felle i Sparebanken Norge.
Gåva skal nyttast til å finansiere det nye flygelet i Bygland kyrkje og det nye pipeorgelet i Sandnes kyrkje.
- For kyrkjemusikken er det avgjerande med gode instrument. Kyrkjene våre vil med dette verte enno betre lokalar for kulturverksemd med desse investeringane. At banken gjev ei så raus gåve er me særs glad for, seier organist Eirik Hodnemyr.
Organisten gler seg til å ta i bruk instrumenta. Flygelet er alt installert og tatt i bruk, medan orgelet som skal plasserast i Sandnes kyrkje kjem til våren når snøen smeltar.